ბებიაჩემი ლოკოკინებს ღორის ქონით ან ერბოთი აცხობდა.ბევრი ვეცადე, მაგრამ არ გამომდიოდა ის სურნელი და გემო! ამ წინებზე წავაწყდი ერთ რეცეპტს, რომელმაც ბავშვობის მოგონებები გამიცოცხლა! ადვილი, ეკონომიური და რაც მთავარია გემრიელი!
მასალა:500 გრ. ფქვილი
2 ც. კვერცხი
4 ს.კ. ზეთი
1/2 წყლის ჭიქა შაქარი
1ჩ. კოვზი( დაბერტყილი) მარილი
7-8 გრ. მშრალი საფუარი( დროჟი)
150-200 გრ. კარაქი ან კარგი ხარისხის სპრედი( მარგარინი)
150-200 მლ. წყალი
შიგთავსი:
შეგვიძლია გამოვიყენოთ ნებისმიერი ხილის ჯემი ან სხვილად დაფქვილი კაკალი, ნუში, თხილი შეკმაზული შაქრით და მიხაკი-დარიჩნით.
მომზადების წესი:
ერთ პატარა ჯამში ჩავყაროთ საფუარი და 1ჩ.კ. შაქარი. ჩავასხათ ცოტა თბილი წყალი და ავურიოთ კარგად, საფუარი უნდა დადნეს. დავდოთ თბილ ადგილას 5-10 წუთით, სანამ ქაფს არ გაიკეთებს.
ცალკე ავიღოთ მოზრდილი, ღრმა ჭურჭელი და ჩავყაროთ: ფქვილი, შაქარი, მარილი. ავურიოთ კარგად. ჩავამატოთ გათქვეფილი კვერცხი, ზეთი, აქაფებული საფუარი და თბილი წყალი,რომელსაც ერთბაშად არ ვასხავთ(მოზელვის პროცესი გვიჩვენებს ). ცომი უნდა გამოვიდეს რბილი, ელასტიური. დავაფაროთ ცელოფანი და დავდოთ თბილ ადგილას სანამ არ აფუვდება, ცომი უნდა გაორმაგდეს.
გაფუებული ცომი გავყოთ 10 ნაწილად. დავაგორგოლავოთ ბურთულებად.
თითო ბურთულა თხლად გავაბრტყელოთ.
წავუსვათ კარაქი.
ზოლად დავადოთ შიგთავსი.
გადავახვიოთ.
ლოკოკინისებრ დავახვიოთ.
ზემოდან წავუსვათ კარაქი, მოვაყაროთ მსხვილი შაქარი და დაფქვილი დარიჩნი.
დავალაგოთ ჟარუნაზე და შევდგათ 180 გრადუსზე გაცხელებულ ღუმელში 25 წუთით.
მზად არის, გემრიელად მიირთვით!!!
